عظيم إيمانك يا دولاجى

عظيم إيمانك يا دولاجى عظيم إيمانك يا دولاجى
أول ما امدح في العذراء ستى العفيفة الطاهرة
سألها تعطينة النصرة عظيم إيمانك يا دولاجى
أول ما امدح في دولاجى اذكر أسنا والأجداد
كلهم صاروا شهداء وأولهم الأم دولاجى
كان والى اريانوس كافر يعبد الأوثان
وناقم على الجنس النصراني عظيم إيمانك يا دولاجى
جاء لإسنا بالعالي وجد أم وأربعه صبيان
مغروسين في الأيمان عظيم إيمانك يا دولاجى
هي ألام دولاجى وبنيها في الصورة وأربعة حوليها
في الشدة تنده تلاقيها عظيم إيمانك يا دولاجى
أصول الأيمان كان ربيتهم وحب يسوع كان هوايتهم
والفضل لدولاجى والدتهم عظيم إيمانك يا دولاجى
وجد الوالي أربعه صبيان بيرتلوا تسابيح والحان
وهم راجعين من الغيطان عظيم إيمانك يا دولاجى
الوالي وجنوده متعجبين لما لقاهم فرحانين
وراء الدواب شقيانين عظيم إيمانك يا دولاجى
قال الوالي إيه هوايتكم هية دي مهنه تعيشكم
وأنا خايف على مستقبلكم عظيم إيمانك يا دولاجى
قالوا مستقبلنا في يد يسوع اللي معاه عمره ما يجوع
بخمسه ارغفه اشبع الجموع عظيم إيمانك يا دولاجى
الوالي عرف من قصتهم أنهم نصارى بلعتهم
ويسوع اله في عقيدتهم عظيم إيمانك يا دولاجى
عرض عليهم وظائف وفلوس وحظ عظيم مع دقلديانوس
ليتركوا يسوع القدوس عظيم إيمانك يا دولاجى
+ أن لم تصغوا لكلامي وتبخروا للأوثان
شوفوا السيوف اهى قدامى عظيم إيمانك يا دولاجى
+ أصنامك فين موضوعه دي بالايادى مصنوعة
ومن الحجارة مقطوعة عظيم إيمانك يا دولاجى
+ سمعت دولاجى جات ليهم شافت عساكر حوليهم
قالت متخافوش منيهم عظيم إيمانك يا دولاجى
+ قال لها الوالي حيليهم أحسن الموت صعب عليهم
وانتى هتموتى قبليهم عظيم إيمانك يا دولاجى
+ قالت إن متنا أحنا ليسوع وان عشنا أحنا ليسوع
في متنا أو عشنا ليسوع عظيم إيمانك يا دولاجى
قصده يقتلها قبليهم وبعد موتها يغريهم
ولدقلديانوس يهديهم عظيم إيمانك يا دولاجى
قالت اقتلوهم امامى وسأنزع عطفي وحناني
ويطيروا للسماء قدامى عظيم إيمانك يا دولاجى
نادى العسكر وأمرهم إن يقتلوهم باجمعهم
والناصري يجى ينقذهم عظيم إيمانك يا دولاجى
أم المخلص جات ليهم طغمه ملائكية حوليها
أعطتها سلام هي وبنيها عظيم إيمانك يا دولاجى
ابني الحبيب فرحان بيكى ومجهز الأكاليل ليكم
وفى السما مستنيكم عظيم إيمانك يا دولاجى
منهم صورس الاولانى وهرمان الابن الثاني
قتلا بدون شفقه وحنان عظيم إيمانك يا دولاجى
ابانوفا تقدم بحماس للسياف مع الأصغر شنطاس
نالوا الأكاليل فوق الرأس عظيم إيمانك يا دولاجى
قالت اقتلوني يا اسيادى عشان الحق باولادى
لننعم بالامجادى عظيم إيمانك يا دولاجى
ماتت في الحال ولم تبطئ في كل هذا لم تحظى
وكان في 6 بشنس القبطي عظيم إيمانك يا دولاجى
سلام لك مع البنين ولشهداء أسنا أجمعين
والثلاث شهداء الفلاحين عظيم إيمانك يا دولاجى
سلام لك ثم سلام مع القديسة مريم
كونوا معنا على الدوام عظيم إيمانك يا دولاجى



بركه وشفاعه وصلوات الام دولاجى واولادها الاربعه تحمينا وتحفظنا وتحفظ كنيستنا من الان والى اخر الدهور