الموبايل لازق على ودنها(حدث بالفعل)

فى حاجات كتير بتحصل الايام دى غريبة جدا دة غير طبعا الايام السودة اللى احنا عايشين فيها انا بجد بقيت بشوف حاجات تخالى الواحد شعره يقف تكون حاجات مقززة اوى يعنى مثلا من حوالى شهر من اول ما اشتغلت فى المحل وانا بشوف بنت كل يوم تعدى عليها وهي حطا الموبايل على ودنها بقيت كل يوم اشوفها وابص ليها واستغرب فضلت كدا حوالى اسبوع لدرجة انى شكيت ان الموبايل ودونها واحد لزقين فى بعض يعنى وطبعا مش بستغرب عشان هيا بتتكلم فى الموبايل غير كدا انها لسة صغيرة(عندها حوالى 12سنة ) ومن الواضح انها بتحب فى الموبايل لانها ماشية وهي تضحك وبتضحك بدلع انا قولت يمكن مش كدا وقولت لازم اتاكد (الفضولية اشتغلت يا معلم) وغير كدا كمان البنت دى شكلها مسحية وانا قولت لازم اعرف هيا بتكلم مين وبعد يومين لاقتها داخلة على المحل وطبعا زى العادة (وميقطعش ليكم عادة ابدا) الموبايل على ودنها بس انا قولت هيا جات برجليها قولت مش هسيبها غير لما اعرف هيا بتكلم مين المهم بدات انا ارمى ودنى المهم وياريت ما رميت حاجة لانى اتصدمت صدمة جامدة اوى ان البنت دى بتعرف تقول كلام حب اكتر منى وبتقول كلام بقا يالهوس عليها انا مش مصدق نفسى بقا الطفلة دى بتقول الكلام دة وانا الى كنت ببص ليها على انها عيلة صغيرة وعايز افهمها انى الى بتعملو دة غلط وان دة مش حب ولا حاجة عشان هيا لسة صغيرةومفيش حب فى السن دة من يوميها وانا مش ببص عليها تانى
السوال بقا هنا هل احنا خلاص معتش ولا اداب ولا احترام كل واحد يعمل اللى فى دماغة من غير ما يخاف من اهلة ؟ طيب بلاش اهلة ربنا مش بنخاف منو خالص؟

هو دة السوال يارب يكون لى رد عندكم



[ندعوك للتسجيل في المنتدى أو التعريف بنفسك لمعاينة هذه الصورة]

الموضوع حلو ومكتوب بطريقه كوميديه حلوه اوى ده اول حاجه

اما بالنسبه للادب والاحترام طبعا لسه فى الدنيا ادب واحترام

وواضح من كلامك انها سنه يعنى فى سن المراهقه وده سن حساس

وطبعا لازم من اهلها انهم يخدو بالهم منها

وعايزه اقولك حاجه اخيره ان الدنيا زى ما فيها الوحش فيها كمان الحلو

يعنى دى مش حاجه عامه

موضوع حلو ربنا يباركك وميرسى ليك

طبعا منوررررررررررررة الموضوع يا فيبى وشكرا جدا على ردك الجميل دة انا نفسى اعرف اهلها عشان اقولهم بس انا معرفهاش اصلا انا عارف انها مش حاجة عامة بس لازم نحط خط احمر على الموضوع دة عشان الناس تتعلم البنت الصغيرة متعملش كدا والسيدة انها تحافظ على بنتها بس مش اكتر
عايزين بقا يا فيبى انتى وبنت العدراء ان احنا نشتغل فى المنتدى شوية عشان يكبر ونعرف الناس علية وشكرا ليكى ولمرورك العزيز

ميرسى اخونا مايكل على الموضوع المميز لاكن احب اوضح لسيادتك نقطه مهمه البنت دى فاقده الاهليه يعنى قبل ماندور على تربيه الابناء لازم ندور على تربيه الاباء فاقد الشىء لا يعطيه لازم قبل منربى اولادنا نعرف احنا ماشيين ازاى ربنا يحافظ على ولادنا وبناتناوبدل مانمشى نراقبهم عندنا اماكن الخدمه الى بيها نقدر نصاحبهم ونخاويهم وبذالك يثقوا فينا وبكده نبقى قدمنا رساله واضحه وصريحه شكرنا اخونا مايكل على الموضوع المتميز ربنا يهدى بناتنا وولادنا ويهدينا جميعا اختك بنت العدراء koko[ندعوك للتسجيل في المنتدى أو التعريف بنفسك لمعاينة هذه الصورة]