حيره فى الطريق

فى منزل فى حجره تحت السلم كان بعيش اب وام وبنت
كانت امكنيات الاسره ضعيفه جدا
مات الاب واحتارت الام فى فلوس الدفنه الكنيسة قامت بالازم ودفن الاب لكن منين الاكل والبس وتعليم البنت ودفع الايجار ومستلزمات الحياه الضروريه
الام نزلت للشغل مافيش اللى يكفى تعمل ايه
فكرت الام مع الشيطان ومشيت فى طريقه وباعت نفسها ليه
كبرت البنت وهى بعيد عن ربنا وتعاليم الكنيسه هى فين الام اللى هتعلم وتودى البنت مدارس الاحد؟؟؟؟؟
عاشت سنين وماتت الام

البنت احتارت تعمل ايه تمشى فى طريق امها وتكمل
ولا تدور على ربنا ؟؟

قررت انها تصوم تلات ايام وتصلى الصبح وبالليل اذا ربنا كان عايزها هيديها اى علامه وهى تبقى معاه
لكن لو عدوا التلات ايام بصومهم وصلوتهم ومشفتش اى علامه هتعرف انى طريقها هو طريق امها وهتكمله


اول يوم .....صامت وصلت الصبح وبالليل ومافيش علامه


تانى يوم ....صلت الصبح وبالليل وبردوا مافيش علامه

تالت يوم .... صلت الصبح وفى صلات بالليل
قالت يارب انا عملت اللى وعدت بيه صمت وصليت ودى اخر صلوه ومشفتش اى علامه انا هكمل فى طريق امى

ونامت

هى حست انى فى حد جه ولابس ابيض وقالها قومى انا عايزك ............. وخدها معاه
لاقت نفسها بتطلع معاه فوق بسرعه عجيبه لاقت نفسها فى مكان جميل وشافت ناس كتير
وبداء يتكلم معاها ويعرفها ميين الناس دى
ويقول ليها ده داود النبى ودا اشعيا النبى ودا مارجرجس والانبا بيشوى والرهبان والقدسيين


وفى وسط الناس دول تشوف ميين ؟؟؟؟؟؟
شافت ابوها معاهم قالت له انا عايزه اافضل هنا معاك
قلها لا روحى لسه معادك مجاش


خدها بسرعه ونزل على مكان تانى شافت فيه بير مليان اللسنة نار وصوت صراخ خافت جدا
لكن سمعت صوت امها بتنادى عليها وتقول الحقينى يابنتى
البنت مدت ايديها تنقذ امها ......


لاقت نفسها قامت من النوم وايديها محروقه وملفوفه


البنت قررت انها تعيش مع ربنا على طول ودومت على الصلاه والصوم ...... واترهبنت وعاشت لربنا

ربنا ينفعنا بصلاتها هى وكل القدسيين واولهم العدرا مريم

قصه جميله اوىى ربنا يباركك ميرسى اوىى