اليوم الاسود(بقلمى )

اليوم الاسود


لما الفرحة تضيع من عينيك...
وابنك يموت بين ايديك....
وضرب النار نازل زى المطر عليك...
والعالم كلة يتاثر بيك ....
والحكومة مش سائلة فيك....
يبقى هو دة اليوم الاسود
لما العالم كلة يبقى بكاء ونواح...
وابنك نايم فى قبرة ومرتاح...
والحكومة تخرج تقول دة شاب وراح...
وابنك على الارض كلة جراح...
وجماعة الاخوان تقول علية اهو كلب وراح...
يبقى هو دة اليوم الاسود
لما الشاب كلة جراح ...
والثانى عنية تروح...
والثالث فى البيت نايم مجروح..
ومحدش حاسس بعذاب الروح...
والاب الدمعة فى عينة تتحول دم منين مايروح...
يبقى هو دة اليوم الاسود
لما التهديد يجى للبابا لحد البيت....
وام تشوف ابنها مرمى فى البيت...
وام يجلها خبر استشهاد ابنها وهى فى البيت...
يبقى هو دة اليوم الاسود
لما الشاب ينام موجوع...
وممكن طفلة تموت من الجوع...
وام تدعى ارحم يارب قلبى الموجوع...
واب كل يوم يبكى دم ودموع...
ولما اخت تبكى على اخوها من الضلوع ...
يبقى هو دة اليوم الاسود
لما الشاب يموت على ايد كافر...
والناس تتفرج على شباب مقتولة بضرب النار...
ولما الغـــــول يكون اسد كاسر .....
وضرب النار يكون فى الجسد نافر....
لما الاب يقف منهار ويبكى على ابنة بكل مرار...
يبقى هو دة اليوم الاسود

هو شعر حزين لكن معبر اوىى

حلو اوىى ربنا يباركك وننتظر منك المزيد