ساعات اقعد مع نفسي كده شويه وافكر
هو انا ليه اساسا عايزه اتجوز !
منا زي الفل اهو باكل وبشرب وبنام وبخرج اتفسح
وبدرس وبشتغل وبشوف التلفزيون
وبشرب نسكافيه يبقى فين المشكلة؟
بس في اوقات تانيه بتجيني لحظات احس فيها
انه في اسباب كتيره تخليني عاوزه اتجوز
وكل البنات من كل المستويات والثقافات اكيد بيحسو بكده
واحده هاتقول:عايزه اتجوز عشان اجيب عيال
والتانيه هتقول عايزه اتجوز حتى لااحمل لقب عانس
والثالثه هتقول: عايزة اتجوز عشان انطلق وابقى حره
(عبيطة بس هنعمل ايه
والرابعه هاتقول عايزه اتجوزعشان اخلف للعرب صلاح الدين
(ياوااااااااااد .. جايز بردو وماله)
اما انا فعندي اسباب مختلفه تماما
مش زي الحاجات الكبيره الي فاتت
هقولكم على 10 اسباب بحس فيها اني محتاجه زوج:
1- وقت ما انبوبة البتوجاز تخلص وتبقى عايزه تتغير
وبابا مش موجود لازم يكون فيه راجل احتياطي
ودي طبعا مستقبلا من اهم واجبات الزوج الرئيسه
ابقي اعملوا اختبار قبل الجواز لو مقدرش يشلها
يبقى ملهوش نصيب واجري ادورعلى غيره
2- وقت ما اشوف صرصار
في البيت واترعب منه
بقي ساعتها ويسجل اهم المواقف التاريخيه
(مصيبه بقي لما يكون بيخاف هوه كمان )
بلاش منه ده كمان
3- وقت ما ارجع من الامتحان ومش عرفت احل كويس
او راجعه من شغلي والمدير اتخانق معايا ونفسي اطلع غلي فحد
...لو زعقت ف ماما وبابا يبقى حرام
ولو ف اخواتي هيعيطو....لكن هوه معلش
4- لما واحده صحبتي المتجوزين يجيلها تليفون من جوزها
يقول لها انها نسيت الطبيخ عالنار قبل ماتطلع والشقه ولعت ...
اشمعنى انا مايبقاش عندي شقة تولع؟!
5- وقت ما ابقى نايمه لوحدي في سريري بالليل
(بلاش افكار قلة ادب)
على الاقل هوه هيعمل حاجز بدل ماكل مره اقع
من عالسرير ودب عالارض واصحي الجيران
6- لما ماما تطبخ اكل انا مش بحبه ...
امتى بقه انا الي اتحكم فالمطبخ
واطبخ الي على كيفي
واحرق الاكل براحتي واكسر فالمواعين
من غير محد يزعقلي..
والي مش عاجبة
يروح ياكل عند امه
7- وقت ميبقى نفسي اكل شيبسي ..
محدش هيرضى يجبهالي عشان ماتخنش
لكن لما اتجوز هقول لجوزي انا بتوحم والواد الموكوس ابننا
يمكن يطلع في وشه كيس ليز
8-
لما اكون نفسي فحاجه غاليه
..عند ابويا هيقولي مش كفايه مصاريف جامعتك
هو هانا مش مخلف غيرك ..و و وو
(اروح اعيط عند ماما واتفلق)
لكن عند جوزي هقلب عليه البيت غم
لحد مايتقرف ويجبهالي
9- وقت ماقعد مع اصحابي نفسي اقعد احط رجل على رجل
واقول(الرجالة دول حاجة تغم وتقصر العمر)
دلوقتي ما اقدرش اقول الكلام ده على ابويه
فكروا انتو بقي ف نمرة 10
عشان انا قلبت على نفسي المواجع
واعصابي تعبت
طلعت فوق السطوح هز الهوا كمي
كل البنات اتجوزت وانا قاعده جنب امي
هههههههههههههههههههههههههه
هههههههههههههههههههههههههههههههه